同一樣物件，只要體積放大或縮細，都會變到好得意、勁好玩，你覺得呢😜
潮友玩完推介俾PND，話呢度有大大枱波，已經由手掌級進化成大大個輕身嘅足球，溫咗咁耐書，係時候郁吓喇，ready go！咦等等，玩法係⋯？玩枱波？唔使用cue嘅，用對腳就搞掂哂。
Poolsoccer，即係呢啲巨型桌上足球，佢地嘅足球主要係搵香港師傅整，比普通踢開嘅足球重少少，亮點係，潮友腳力咁好，重啲嘅話自然無咁容易踢到出界啦！潮友只要下半身狀態良好、可以踢波，就可以玩！玩法係：你想點玩就點玩，情侶拖住手你一腳我一腳、一堆潮友輪流踢入窿，定係玩體操、花式入球、閃避球、大懲罰⋯⋯通通無問題，最緊要係，入波果吓實係好爽！
至於決戰場地，就係果張舖咗sharp綠色絨面地氈嘅木製巨巨巨型美式桌球枱，長6米闊3米，用料實淨，彈性無咁強，而且唔會太易滑倒，安全地涼住冷氣用腳督波，的確幾新奇！
仲有右下嘅桌上沙壺，俾入場費就有得任玩，真係幾多元化😳！
BALL ROOM
營業時間：12:00-00:00
查詢、預約：5405 4594
費用：$35/小時（人頭費），包場內其他遊樂設施如美式桌球、桌上沙壺、board games等等
Poolsoccer費用：另外收費，$100/小時，不限人數
@觀塘興業街14號永興工業大廈12樓C1室
鳴謝潮友 Ivan Cheung 報料同推介😳
Search